ఉమ్మడి గుంటూరు జిల్లా 1377 చదరపు కిలోమీటర్లలో విస్తరించియున్నది. ఈ జిల్లాకి ఉత్తరాన తెలంగాణకు చెందిన నల్లగొండ జిల్లా, తూర్పు మరియు ఈశాన్యంలో కృష్ణా జిల్లా, దక్షిణంలో ప్రకాశం జిల్లా మరియు పశ్చిమంలో మహబూబ్నగర్ జిల్లా కలవు.
ఈ జిల్లా యొక్క ఎక్కువభాగం డెల్టాయిక్, పేలియో ఛానెల్స్ అనగా ప్లేన్లాండ్గా ఈ డెల్టా కృష్ణానది వుంటుంది. దీనిలో మధ్య, మధ్యలో కొండలు కలవు. పశ్చిమ ప్రాంతంలో శ్రీశైలం ప్లాటూనీ చూడగలము. తూర్పు ప్రాంతంలో డెల్టాప్లేన్ని చూడగలము. ఈ డెల్టా కృష్ణానది యొక్క ఫ్లడ్ ప్లేన్ డిపాజిట్తో మరియు ఆ నది యొక్క పేలియో చీనల్స్ కలవు. దక్షిణప్రాంతంలో సముద్రతీరాన మెరైన్ సెడిమెంట్స్తో కూడిన స్ట్రాండ్ప్లేన్ కలదు. ఈ జిల్లాలోని ప్రముఖమైన కొండలు స్వానుకొండ (605మీ) మరియు కాకిరాలకొండ (590మీ.) ఈ జిల్లాలోని ప్రముఖమైన నదులు కృష్ణా మరియు దాని ఉపనదులు మున్నేరు, చంద్రవంక, నాగులేరు. వీటి డ్రేనేజ్ నెట్వర్క్ ఈ ప్రాంతం యొక్క నీటి అవసరాలను తీరుస్తాయి. వినుకొండ, నర్సారావుపేట, సత్తెనపల్లి, పల్నాడు ప్రాంతంలో భూగర్భ జలాలు ఫ్లోరైడ్తో కూడియున్నవి. దాదాపు 3 పిపిఎం వరకు రిపోర్ట్ చేసారు.
ఈ జిల్లాలో మూడు రకాల సాయిల్స్ ఉన్నది అవి రెడ్ సాండీసాయిల్, బ్లాక్సాయిల్, మిక్స్డ్ రెడ్ మరియు బ్లాక్సాయిల్. కృష్ణానది ఫ్లడ్ప్లేన్ మరియు కోస్తా ప్రాంతంలో అల్లూవియల్ సాయిల్స్ కలవు. ఇవి వ్యవసాయానికి చాలా ఉపయోగకరమైన ప్రాంతాలు.
ఈ జిల్లాలో ఆర్క్యన్ పీరియడ్ నుండి క్వాటర్ నెరి పీరియడ్కు చెందిన రకరకాల శిలలను చూడగలము. ఈస్టర్న్ ఘాట్ సూపర్ గ్రూప్కు చెందిన చార్నొకైట్, కొండలైట్ గ్రూప్శిలలు, పెనెన్సులర్ నైసిక్ కాంప్లెక్స్కు చెందిన రకరకాల గ్రానైట్స్, నైసెస్, వీటిలో ఇన్ట్రూడ్ అయిన గ్యాబ్రో, నోరైట్, డొలరైట్ డైక్స్. వీటిపైన ప్రోటిరోజోయిక్ పీరియడ్కు చెందిన కడపసూపర్గ్రూప్, కర్నూలు గ్రూప్కు చెందిన సెడిమెంటరీ సీక్వెన్స్ అనగా కంగ్లామరేట్, సాండ్స్టోన్, క్వార్ట్జైట్, శేల్, ఫిలైట్, డొలమైట్, లైమ్స్టోన్ శిలలు. కార్బొనిఫెర్రస్-క్రిటేశియస్కు చెందిన అప్పర్ గొండ్వాన శిలలని కోస్తా ప్రాంతంలో చూడగలము. నది మరియు కోస్తా ప్రాంతంలో క్వాటర్నెరీకి చెందిన ఫ్లడ్ప్లేన్ మరియు డెల్టాయిక్ డిపాజిట్స్ని చూడగలము.
ఖనిజసంపద:
ఈ జిల్లాలో బేస్మెటల్స్ (కాపర్ లెడ్, జింక్), డైమండ్, లైమ్స్టోన్, గ్లాస్సాండ్, లైమ్కంకర్, లో గ్రేడ్ఐరన్, క్వార్ట్జ్, మరియు రోడ్మెటల్ నిక్షేపాలు పుష్కలంగా ఉన్నవి. వీటి వివరాలు ఒక్కోక్కటిగా చర్చించుకుందాం.
బేస్మెటల్స్(కాపర్, లెడ్, జింక్):
అగ్నిగుండాల బెల్ట్లో ప్రముఖమైన బేస్మెటల్ నిక్షేపాలు కలవు. వినుకొండ వద్ద 30 స్థలాలలో కాపర్, లెడ్, జింక్ నిక్షేపాలు 50 కి.మీ.ల పొడువుగల బెల్ట్లో కుంబం ఫార్మేశన్లో చూడగలము. ఈ ఫార్మేశన్లో చాలావరకు కాల్కేరియస్ క్వార్ట్జైట్ మరియు డొలమైట్తో కూడి వుంటుంది. ప్రముఖమైన నిక్షేపాలు బండ్లమెట్టు, నల్లకొండ, ధూకొండ, కారెంపూడి, ఉమ్మడివరం, పెద్దగవ్వలకొండ, కంద్రీక మరియు మాలపాడు ప్రాంతాలలో కలవు. బండ్లమెట్టులో కాపర్-లెడ్ మినరలైజేశన్ డొలమైటిక్ లైమ్స్టోన్లో 1200 మీటర్ల పొడువు మరియు 1 నుండి 11 మీటర్ల వెడల్పు గల బెల్ట్లో జి.ఎస్.ఐ 11.45 మిలియన్ టన్నులు లేడ్ ఓర్ (av6.01% Pb) మరియు 1.03 మిలియన్టన్నులు కాపర్ (av 1.42% Pb) 260 మీటర్ల ఆర్.ఎల్ వరకు ఎస్టిమేట్ చేసారు. దీని తర్వాత ఈ డేటాను తీసుకొని 1.24 మిలియన్ టన్నుల నిక్షేపాలు 5.76% Pb 100 మీటర్ల ఆర్.ఎల్. వరకు.
నల్లకొండలో కాపర్ మినరలైజేషన్ కోర్స్గ్రేన్డ్ కాల్కేరియస్ క్వార్ట్జైట్లో మరియు ఇంటర్కెలేశన్స్ రూపంలో క్లోరైట్, పిలైట్లో చూడగలము. ఈ మినరలైజేషన్ 1300 మీటర్ల పొడవు గల జోన్లో ఉన్నది. డ్రిల్లింగ్ డేటాప్రకారం 230 మీటర్ల లోతువరకు 1.82% కాపర్ ఉన్నట్టు జి.ఎస్.ఐ నిర్థారించారు.
ధుకొండ ప్రాంతంలో కాపర్-లెడ్ మినరలైజేషన్ క్వార్ట్జైట్ మరియు డొలమైట్లో 2 కిలోమీటర్ల పొడువు గల జోన్లో కలదు. ఈ డిపాజిట్లో 2.15 మిలియన్ టన్నుల నిక్షేపాలు 1.51% CU మరియు 0.45 మిలియన్ టన్నుల నిక్షేపాలు 8.98% పబ్లమ్ ఉన్నట్టు నిర్థారించారు. కారంపూడిలో 0,65 మిలియన్ టన్నులPb-Zn నిక్షేపాలు 2.34% యావరేజ్గ్రేడ్తో 150మీ.ఆర్.ఎల్. వరకు ఉన్నట్టు నిర్థారించారు.
డైమండ్: ప్రఖ్యాత కోహినూర్ వజ్రం ఈ జిల్లాలోని కొల్లూరు ప్రాంతంలో దొరికినట్టు చరిత్ర చెబుతోంది. ఈ ప్రాంతం కృష్ణానది తీరాన ఉన్న పురాతన మైనింగ్ స్థలాలు టెర్రేస్ గ్రావెల్స్ మరియు కుంభం పెబ్లీ సాండ్ స్టోన్ 17వ శతాబ్దంలో ఒక ఫ్రెంచ్ పర్యాటకుడు బ్రౌన్బాప్ టిస్ట్ ట్రావర్నియర్ ఈ ప్రాంతంలో 16000 మంది డైమండ్స్ కోసం కొల్లూరులో పనిచేస్తున్నట్టు రిపోర్ట్ చేసారు. దీనికి ఆధారంగా టెర్రేస్గ్రావెల్స్లో పుష్కలంగా పురాతన వర్కింగ్స్ దొరికినవి. కొన్ని ముఖ్యమైన ప్రాంతాలు వెంకటాయపాలెం, సారంగపల్లి, మల్లవరం, మరియు అచ్చంపేట.
లైమ్స్టోన్: ఈ జిల్లాలో సిమెంట్గ్రేడ్ మరియు ఫ్లక్స్గ్రేడ్ లైమ్స్టోన్ నిక్షేపాలు పుష్కలంగా ఉన్నవి. ఈ నిక్షేపాలు ముఖ్యంగా పల్నాడు బేసిన్లో పిడుగురాళ్ల, దాచెపల్లి, కారంపూడి, మాచర్ల ప్రాంతాలలో ఉన్నవి. వీటిని ఎన్నో సిమెంట్ ప్లాంట్స్ మరియు లైమ్ కిలోన్స్లో ఉపయోగిస్తున్నారు. ఉమ్మడి రాష్ట్రంలో డి.ఎమ్.జి. లైమ్స్టోన్ ఇన్వెస్టిగేషన్ పిడుగురాల ఆర్ఎఫ్, సీతారామపురం, గుర్రులగుట్ట ప్రాంతాలలో చేసారు. మరి ఇందులో కొన్ని ఎ.సి.సి. లీస్వోల్డ్లో ఉన్నవి. జి.ఎస్.ఐ ఎస్ఎంఎస్, బి.ఎఫ్, గ్రేడ్ లైమ్స్టోన్స్ నిక్షేపాల అసెస్మెంట్ పొండుగుల- రామాపురం, పిల్లుట్ల- పిడుగురాలళ్ల ప్రాంతాలలో జరిపి వీటి నిక్షేపాలు పుష్కలంగా ఉన్నట్టు నిర్థారించారు.
గ్లాస్సాండ్: బాపట్ల, చిన్నగంజాం ప్రాంతాలలో బీచ్సాండ్స్ దక్షిణ కోస్తా ప్రాంతంలో గ్లాస్సాండ్ కలదు. ఇది గ్లాస్ మ్యానుఫాక్చర్కి ఉపయోగపడుతుంది. ఈ గ్లాస్సాండ్ నిక్షేపాలు పుష్కలంగా ఉన్నట్టు నిర్థారించారు. జి.ఎస్.ఐ. జియాలజిస్టులు.
లైమ్కంకర్: లైమ్కంకర్ (కాలిష్) వర్కింగ్స్ని చాలా ప్రాంతాలలో చూడగలం ముఖ్యంగా కాజా, నంబూరు, నిడమర్రు. ఈ లైమ్కంకర్ ఈ ప్రాంతంలో చార్నోకైట్స్ యొక్క కెమికల్ వెదరింగ్ ద్వారా ఫార్మ్ అవుతుంది. అక్కడి ప్రాంతం వారు దీన్ని భట్టిలో కాల్చి లైమ్ని బయటకు తీస్తారు.
క్వార్ట్జ్: నర్సారావుపేట వద్ద క్వార్ట్జ్ డిపాజిట్ని మైన్ చేసి ఫెర్రోసిలికాన్ ఫ్లాంట్స్కి సప్లై చేస్తున్నారు.
స్లేట్: స్లేట్ ఈ ప్రాంతంలో క్వార్ట్జైట్లో ఇంటర్కెలెశన్స్ రూపంలో దొరుకుతుంది. వీటి నిక్షేపాలు వినుకొండ ప్రాంతంలోని రెమెడిచెర్ల-బొల్లపల్లి ఆర్.ఎఫ్.లో ఉన్నది.
యురేనియం: చెప్పుకోదగ్గ కాన్స్న్ట్రేషన్ యురేనియం (0.55 వరకు (U3O8)ని ఏ.ఎం.డి. వారు బనగానపల్లి క్వార్ట్జైట్లో ద్వారికాపూరి ప్రాంతంలో కనుగొన్నారు.
ఓఖర్: పసుపు రంగు ఓఖర్ నిక్షేపాలు మాచర్ల వద్ద ఔక్శేల్లో దొరుకును. ఓఖర్తో కూడిన హేమటైట్ బెడ్స్ బైరెడ్డి పల్లి వద్ద మరియు రెడ్ ఓఖర్తో కూడిన శేల్ కేటవరం వద్ద కలదు.
ఐరన్ఓర్: లోగ్రేడ్ ఐరన్ ఓర్ మాగ్నటైట్ రూపంలో బాండెడ్ ఫెర్రుజినస్ క్వార్ట్జైట్లో పల్నాడు బేసిన్లో తుమ్మురుకోట వద్ద కలదు. వీటి నిక్షేపాలు 85 మెట్రిక్ టన్నులగా 22.75 శాతం ఖీవ ఉన్నట్టు నిర్థారించారు. జి.ఎస్.ఐ.
జిప్సం: (CaSO4,2H2O) ఇది కలర్లెస్గా ఉంటుంది కాని ఇంప్వూరిటీస్ వల్ల రకరకాల రంగులల్లో కనబడుతుంది. క్రిన్ట్లైన్ జిప్సంని సెలినైట్ అని అందురు. మాస్సివటైప్ని అలబాస్ట్ర్ అని, ఫైబ్రస్ట్రైప్ని సాటిన్ స్పార్ అని అందురు. దీనిని ప్లాస్ట్ర్ ఆఫ్ పారిస్, అమోనియం సల్ఫెట్, సిమెంట్ ప్లాంట్స్లో ఫిల్లర్, రిటార్డ్ర్గా మరియు పేపర్, పేంట్ గ్లాస్ పాలిషింగ్ పరిశ్రమలలో ఉపయోగిస్తారు. ఈ జిల్లాలో సెలినైట్ సంతరావూరు, కొత్తపట్నం ప్రాంతాలలో దొరుకును. సంతరావూరు ప్రాంతంలో మెరైన్ క్లేస్లో 1.5m డెప్త్లో మొదలై 4 మీ వరకు వుంటుంది. ఇక్కడ 1800 టన్నుల నిక్షేపాలు ఉన్నట్టు నిర్థారించారు. కొత్తపట్నం ప్రాంతంలో జిప్సం పాకెట్స్ రూపంలో ఉంటుంది.
డైమెన్షన్ స్టోన్: చార్నొకైట్ యొక్క పలు వేరియంట్స్ని మరియు పోస్ట్టెక్టానిక్ పొటాసిక్ గ్రానైట్స్ని ఏవైతే కడప బేసిన్ యొక్క తూర్పు మార్జిన్లో ఉన్నవో వీటిని కమర్షియల్గా క్వారీ చేస్తున్నారు. వీటిని కన్స్ట్రన్షన్స్ పరిశ్రమలో ఉపయోగిస్తున్నారు. వీటిలో ఒక ప్రముఖమైన వెరైటి ‘‘యునిక్ బ్రౌన్ గ్రానైట్’’ ఇది అమరావతి, గుర్జేపల్లి, ఫిరంగిపురం ప్రాంతాలలో దొరుకుతుంది.
- కమతం మహేందర్ రెడ్డి,
ఎ : 90320 12955