భూపతి చంద్ర స్మారక కథానికల బహుమతిప్రదానోత్సవం

తేది: 19.02.2026
భూపతి చంద్ర మెమోరియల్‍ ట్రస్ట్


సభ ప్రారంభానికి ముందు సారస్వత పరిషత్‍ తరపున చెన్నయ్య గారు అతిథులకు మహాకవి పంపన రచించిన ‘‘విక్రమార్జున విజయం’’ (పంప భారతం) (తెలుగు అనువాదం: జోష్యుల సదానందశాస్త్రి) పుస్తకాలను బహుకరించారు. ఈ పుస్తకం కాంతారావు గారికి చాలా ఇష్టమైన పుస్తకం. కాంతారావుగారు చెన్నయ్య గారిని సన్మానించారు. అతిథులు భూపతి చంద్ర చిత్ర పటానికి జ్యోతి ప్రకాశన చేశారు. భాస్కర్‍ రెడ్డి గారు ప్రార్థన శ్లోకం పాడినారు. భాస్కర్‍ రెడ్డిగారిని నర్సింగరావు గారు శాలువాతో సత్కరించారు.
గత సంవత్సరం భూపతి చంద్ర స్మారక కథానికల పోటీలు నిర్వహించినప్పుడు 150కి పైగా కథలు వచ్చాయి. ఈ సారి 300 పైగా కథలు వచ్చాయి. అందులో తెలుగు రాష్ట్రాల నుంచే కాకుండా ఒరిస్సా, మహారాష్ట్ర, కర్ణాటక, తమిళనాడు రాష్ట్రాల నుంచి కూడా చాలా మంది కథానికలు పంపడం జరిగింది. వీటిని పదిమంది న్యాయనిర్ణేతలచే స్క్రూటిని చేయడం జరిగింది. వీరు ఎంపిక చేసిన కథలను మరోసారి ఇద్దరు న్యాయనిర్ణేతలతో ఎంపిక చేయించి బహుమతులు ప్రకటించినారు.


గౌరవ అతిథి శ్రీ మహమ్మద్‍ ఖదీర్‍ బాబు
మాట్లాడుతూ… ఇలాంటి గొప్ప సందర్భంలో నన్ను పిలిచి వేదిక నుంచి మీ అందరిని కలిసే అవకాశం ఇచ్చిన పెద్దలు శ్రీ లక్ష్మీ కాంతారావు గారికి కృతజ్ఞతలు. ఈ మధ్య గాయకుడు రఫీ శతజయంతి సందర్భంగా కార్యక్రమం నిర్వహిస్తూ లక్ష్మీ కాంతారావు గారికి ఫోన్‍ చేశాను. వారికి రఫీ అన్నా, వారి పాటలన్నా విశేషమైన ప్రీతి అన్నారు. అలా లక్ష్మీకాంత్‍గారితో నేను మొదటిసారి మాట్లాడడం జరిగింది. ఈ సభకు ముందు వేసిన పాటలు విన్న తర్వాత ఒక రకమైన దుఃఖం వచ్చింది. ఆ పాటల్లో మనుషులు ఎంత ప్రేమగా ఉన్నారు, ఎంత సున్నితమైన భావాలు. హృదయాలని పంజరంలో పెట్టి.. ముత్యాలను దానిమ్మ గింజలుగా పెట్టానని పాడిన పాటలు.. మనుషుల సున్నితత్వాన్ని తెలియజేస్తాయి. గురు దత్తుకు బాల్యం నుంచి కంటి చూపు కనపడదు. గజం తర్వాత అసలు ఏమీ కనపడదు. కానీ, ఆయన సినిమాలు అన్నీ అద్దాలు లేకుండా నటించారు. హీరోయిన్‍ను చౌద్‍నీక చాంద్‍ హో.. యా ఆబ్‍ తాబ్‍ హో.. అని ఆమెను చూస్తూ పాడుతున్నాడు కానీ… ఆయనకు ఏమీ కనిపించదు. తన కంటికి ఏమీ కనిపించకపోయినా ప్రపంచానికి అందమైనవి.. లాలితమైనవి చూపించారు. నేటి రచయితలు అడంబారాన్ని వీడి సమాజానికి లలితమైనవి, సున్నితమైనవి, ప్రేమ పూరకమైనవి చూపించి మళ్లీ మాములు మనుషులుగా మారాలని, భూపతి చంద్ర స్మారక కథానికల పోటీల్లో బహుమతులు ఇవ్వబోయే కథలు గాని, మనుషులని మనుషులుగా ఉంచే కథలకు ప్రాధ్యానత ఇస్తారని ఆశిస్తున్నాను.

Leave a Comment

Your email address will not be published. Required fields are marked *