అంగళ్ల రతనాలు అమ్మినారిచట ‘కార్వాన్’
కృష్ణదేవరాయల వారి కాలంలో విజయనగర వీధులలోనే కాదు కుతుబ్షాహీల పరిపాలనలో కార్వాన్ సడక్ల మీద కూడా కుప్పలు తెప్పలుగా ముత్యాల వ్యాపారం జరిగింది. ఇది ‘‘హవామే పుకార్’’ గాలి వార్తలు ఎంత మాత్రం కాదు. శంకా నివృత్తి కోసం ట్రావెర్నియర్ అనే ఫ్రెంచి యాత్రికుడు రాసిన జ్ఞాపకాల పుస్తకమో లేక ఫిలిప్స్ మెడాస్ టేలర్ రాసిన ‘‘కన్ఫెషన్స్ ఆఫ్ ఎ థగ్’’ అన్న నవలో చదవవచ్చు. వర్తకుల బిడారును లేక యాత్రికుల సమూహాన్ని ‘‘కారవాన్’’ అని ఉర్దూలోనూ, ఇంగ్లీష్లోనూ దాదాపు ఒకే అర్ధం ఉంది. …









