తెలంగాణానేలిన శంకరగండరస కొత్తచరిత్ర
రాష్ట్రకూటులేలిన దక్కనులో భాగంగా తెలంగాణా కూడా వుంది. రాష్ట్రకూటుల అధికారాన్ని ఒకసారి మన్నిస్తూ, మరోసారి వ్యతిరేకిస్తూ పాలించిన వేములవాడ చాళుక్యులే తెలంగాణాలో పాలకులుగా కనిపిస్తారు. తెలంగాణా చరిత్రలో రాష్ట్రకూటులను లెక్కించకపోవడానికి కారణమిదేనేమో. కాని, తెలంగాణా (నల్గొండ, మెదక్, వరంగల్ జిల్లాల) నేలిన శంకరగండరస శాసనాలు తెలంగాణాను పాలించిన రాష్ట్రకూట ప్రతినిధు లున్నారనే విషయాన్ని ధ్రువ పరుస్తున్నాయి. తెలంగాణాజిల్లాలలో (పాత)జిల్లాలు నల్గొండ, వరంగల్, కరీంనగర్, మహబూబ్ నగర్, మెదక్, నిజామాబాదుల శాసనాలు సంపుటాలుగా అచ్చయినాయి. వీటిలో నల్గొండ, వరంగల్, మెదక్, మహబూబు నగర్ …








