ఉమ్మడి కృష్ణా జిల్లా ఆంధప్రదేశ్ రాష్ట్రంలోని మధ్య భాగంలో కలదు. దీనికి ఉత్తరాన తెలంగాణకు చెందిన ఖమ్మం జిల్లా కలదు. దక్షిణంలో గుంటూరు జిల్లా, పశ్చిమంలో పశ్చిమగోదావరి జిల్లా మరియు ఆగ్నేయంలో బంగాళాఖాతం కలదు. కృష్ణానది గుంటూరు, కృష్ణా జిల్లాలకు సరిహద్దుగా నిలుస్తుంది. కొల్లేరు లేక్ కృష్ణా మరియు పశ్చిమ గోదావరి జిల్లాలకు మధ్యలో ఉన్నది.
ఈ జిల్లాలోని దక్షిణ ప్రాంతం డెల్టాయిక్ జోన్ మరియు ఉత్తర భాగం అప్ లాండ్ జోన్గా విభజించవచ్చును. అప్లాండ్ జోన్లో ఎత్తు పల్లాలుగా ఉంటుంది. ఈ ప్రాంతంలోని నీటి అవసరాలు కృష్ణా నది మరియు దాని యొక్క ఉపనదులు పల్లెరు, మున్నెరు, బుడిమేరు మరియు వీటి డ్రైనేజ్ నెట్వర్క్.
ఈ జిల్లాలో ఈస్ట్రన్ ఘాట్ సూపర్ గ్రూప్కు చెందిన కొండలైట్, చార్నొకైట్ గ్రూప్కు చెందిన శిలలు అప్లాండ్ జోన్లో చూడగలము. ఈ శిలలు స్ట్రైక్ రిడ్జ్స్ రూపంలో విజయవాడకు దక్షిణంలో చూడగలము. ఈ శిలల్లో క్వార్ట్జ్, కె.ఫెల్స్పార్, గార్నెట్, సిల్లియనైట్, గ్రాఫైట్ ఖనిజాలతో కూడి యున్నవి. ఈశాన్యంలో కాల్క్ గ్రానైట్ మరియు క్వార్ట్జైట్ బ్యాండ్స్ని కొండలైట్లో చూడగలం.
కృష్ణానదికి ఉత్తరంలో కొండపల్లి కొండ ప్రాంతంలో చార్నొకైట్ శిల యొక్క ఏసిడ్, ఇంటర్మీడియట్ వెరైటీస్తో పైరాక్సిన్ గ్రాన్యులైట్ ప్యాచెస్తో కూడి యుంటుంది. వీటితోపాటు మెటాగ్వాబ్రో మరియు కొంత హైపర్ స్తీన్, క్వార్ట్జ్ గ్రానులైట్తో కూడియున్నది. లేయర్డ్ ఇగ్నియస్ శిలలు అనార్తీసైట్, గ్యాబ్రో, ల్యుకోగ్యాబ్రో, నోరైట్ గ్యాబ్రో మరియు పైరాక్సినైట్తో పాటు క్రోమైట్ ఓర్ యొక్క బ్యాండ్స్ చార్నొకైట్ శిలలో చూడగలము.
ఈ శిలల్లో N-S ట్రెండ్తో కూడిన ఫోలియేశన్ అప్పుడప్పుడు NE-SW మరియు NW-SEదిశలో మలుపు తీసుకుంటుంది. PGCకి చెందిన మిగ్మటైస్డ్ నైసెస్ వీటిలో ఓల్డ్ర్ ఎన్క్లేవ్స్ రూపంలో ఆంఫిబొలైట్, పైరాక్సిన్ గ్రానులైట్, ఆక్టినోలైట్ శిస్ట్ శిలలను చూడగలము. గేగ్రానైట్ నైస్ చాలా వరకు పశ్చిమ ప్రాంతంలో చూడగలము. ఈ ఆర్క్యన్ శిలలపైన కడప సూపర్ గ్రూప్కు చెందిన సెడిమెంటరీ శిలలు కంభం పార్మేశన్కు చెందిన శేల్, ఫిలైట్, డొలమైట్, లైమ్స్టోన్, క్వార్ట్జైట్ కలవు. వీటిపైన కర్నూలు గ్రూప్కు చెందిన బనగానపల్లి కంగ్లామరేట్, క్వార్ట్జైట్ మరియు నార్జిలైమ్స్టోన్ ఉన్నవి. పాకాల్ సూపర్ గ్రూప్కు చెందిన మైకేశిఎస్ క్వార్ట్జైట్ శిలలు అక్కడక్కడా నందిగామకు తూర్పు ప్రాంతంలో చూడగలం. గోండ్వానా సూపర్ గ్రూప్కు చెందిన తిరుపతి సాండ్స్టోన్, గొల్లపల్లి, చింతలపూడి సాండ్స్టోన్ మరియు కాంతీ సాండ్ స్టోన్ నూజివీడుకు ఉత్తర, ఆగ్నేయ ప్రాంతాలలో చూడగలము. వీటిపైన రాజమండ్రి సాండ్ స్టోన్ యొక్క చిన్న ప్యాచ్ని నూజివీడుకు ఈశాన్యంలో రెడ్ కలర్లో ఉంటుంది. కృష్ణానది విజయవాడకు దక్షిణ ప్రాంతంలో తన డెల్టాను నిర్మించుకున్నది. కృష్ణానది విజయవాడ నుండి దక్షిణదిశలో పారి అవని గడ్డ వద్ద రెండుగా చీలి ఒక పాయ తూర్పు దిశలో పారుతుంది. కోడూరు మీదిగా వెళ్లి దివి పాయింట్ వద్ద సముద్రంలో కలిసిపోతుంది. ముఖ్యనది మాత్రం దక్షిణ దిశలోనే పారి నాగాయలంక మీదుగా వెళ్లి ఎదురుమొండి వద్ద మూడు పాయలుగా చీలుతుంది. ఆ తరువాత సముద్రంలో కలిసిపోతవి. సీస్మొటెక్టానిక్ స్టడీ ప్రకారం ఈ జిల్లా మొత్తం సీస్మిక్ జోన్-3గా నిర్ధారించబడినది.
ఖనిజ సంపద: ఈ జిల్లాలో క్రోమైట్, డైమండ్, క్లే, లైమ్స్టోన్, సల్ఫర్, బెరైటీస్, మైకా నిక్షేపాలు మరియు కృష్ణా – గోదావరి బేసిన్లో ఓఎన్జీసీ ఆయిల్ మరియు గ్యాస్ కొరకు ఇన్వెస్టిగేషన్ చేసి వీటి రిజర్వ్స్ని కనుకొన్నారు.
క్రోమైట్ (FeCr2O3): ముఖ్యమైన ఓర్ క్రోమియంకు క్రోమైట్. దీనిని మెటలర్జికల్ పరిశ్రమలో స్పెషల్ స్టీల్స్ మరియు అల్లాయస్ తయారీలో మరియు రిఫ్రాటరీ, కెమికల్ పరిశ్రమలో ఉపయోగిస్తారు. ఈ జిల్లాలో క్రోమైట్ నిక్షేపాలు వీన్స్, లెన్సెస్ రూపంలో సర్పెంటినైస్డ్ అలట్రా బేసిక్ శిలల్లో దొరుకుతుంది. ఈ శిలలు కొండపల్లి హిల్ రేంజస్లో ఇబ్రహీంపట్నంకు గంగినేనికి మధ్యలో 12 స్థలాల్లో దొరుకుతుంది. ఇక్కడ చార్నొకైట్ శిలలో పైరాక్సినైట్ బాడీస్ రెండు రకాలు ఎన్క్లేవ్స్ రూపంలో చూడగలము. యంగర్ పైరాక్సినైట్ బాడి ఆంటీ ఫార్మల్ ఫోల్డ్ యొక్క ఎక్సియల్ ప్లేన్లో క్రొమైట్ లెన్సెస్ N-Sనుండి NNW-SSE దిశలో ఉన్నవి. క్రోమైట్ ఈ ప్రాంతాలలో 45.8 నుండి 49.9 శాతం Cr2O3 ఉంటుంది.
డైమండ్: కార్బన్ యొక్క అల్లాట్రియో మార్ఫిక్ ఫార్మ్ మరియు ఖనిజాలలో అన్నిటికన్నా హార్డెస్ట్ మినరల్. ఆంధప్రదేశ్ రాష్ట్రంలో డైమండ్ కలిగిన ఫార్మేశన్స్ చాలా వరకు కృష్ణా, పెన్నార్ డ్రైనేజ్ బేసిన్స్లోనే దొరుకుతవి. పురాతన కాలంలో క్వాటర్నెరీ నదిలోని గ్రావెల్స్ మరియు లేట్ ప్రొటిరో జోయిక్ కంగ్లామరేట్స్లో వివిధ ప్రాంతాలలో మైనింగ్ జరిగినట్టు ఆధారాలు ఉన్నవి. అతి ప్రసిద్ధి చెందిన డైమండ్స్: కోహినూర్, గ్రేట్ మొఘల్, ఓర్లాఫ్, రిజెంట్, హోప్ మరియు పిట్ ఈ శిలల్లో ఈ ప్రాంతాలలలో దొరికినట్టు ఆధారాలతో నిర్ధారించబడినది.
ఈ జిల్లాలో కృష్ణానది యొక్క టెర్రెస్ గ్రావెల్స్లో కొల్లూరు, చంద్రాలపాడు, పరిటాల, బట్టినపాడు, కొడవాటికల్లు, పాటెంపాడు మరియు వుస్తపల్లి ప్రాంతాలలో కలవు. జిఎస్ఐ ఈ ప్రాంతాలలో పరిశోధన జరిపినది. 18 మెట్రిక్ టన్నుల డైమండి ఫెరస్ గ్రావెల్ వెలది కొట్టపాలెం వద్ద ఉన్నట్టు నిర్ధారించారు.
లైమ్స్టోన్: ఈ జిల్లాలో సిమెంట్ గ్రేడ్ మరియు ఫ్లక్స్గ్రేడ్ సిమెంట్ నిక్షేపాలు నార్జిలైమ్ స్టోన్లో ఉన్నట్టు నిర్ధారించబడినది. సిమెంట్ గ్రేడ్ లైమ్స్టోన్ నిక్షేపాలు బుదవాడ, జయంతిపురం, రవిరాల, వేలాద్రి వద్ద కలవు. ఈ నిక్షేపాలు చాలా సిమెంట్ ప్లాంట్స్కు కావలసినంత రా మెటీరియల్ని సప్లై చేస్తుంది. జగ్గయ్యపేట ప్రాంతంలో ఫ్లక్స్గ్రేడ్ లైమ్స్టోన్ కొరకు ఇన్వెస్టిగేశన్ జరుపబడినది.
క్లే నిక్షేపాలు: క్లే నిక్షేపాలు కృష్ణా నది యొక్క ఫ్లడ్ ప్లేన్లో పుష్కలంగా దొరుకుతుంది. క్లేస్ చాలా వరకు హైడ్రోస్ అల్యూమినియం, మాగ్నీషియం మరియు ఐరన్ సిలికేట్స్ గల కెమికల్ కాంపొసిశన్తో ఉంటవి. కేయోలినైట్, మాంట్ మొరిలోనైట్, ఇల్లైట్ అనేవి సామాన్యంగా క్లే మినరల్స్. క్లేని సిరామిక్, రిఫ్రాక్ట్రి, పిగ్మెంట్స్, పేపర్, పేంట్ ప్లాస్టిక్, రబ్బర్, పాటం, టైల్స్ పరిశ్రమల్లో ఉపయోగిస్తారు.
సల్ఫర్: కోనా ప్రాంతంలో మచిలీపట్నంకు దక్షిణలో సల్ఫర్ నాచురల్ ఫార్మ్లో 10 నుండి 14 హెక్టార్లలో టైడల్ ఫ్లాట్ క్లేలో లెన్సెస్ రూపంలో 6వీ లోతు వరకు దొరుకుతుంది. దీని కాన్సంట్రేషన్ క్రిందికి పోయిన కొద్ది పెరుగుతుంది. దీని ఆరిజిన్ ఆర్గానిక్గా నిర్ధారించారు. బాక్టీరియల్ ఎక్టివిటీతో ఏర్పడినట్టు స్టడీ ద్వారా తెలియచేశారు.
బెరైటీస్: వీటి నిక్షేపాలు చిన్న మొత్తంలో వేములనర్వ ప్రాంతంలో ఉన్నట్టు నిర్ధారించారు.
మైకా: తిరువూరు తాలుకాలోని జమ్మలవాయి దుర్గం, గాసవీడు, లక్ష్మిపురం ప్రాంతాలలో మైకా నిక్షేపం యొక్క పురాతన మైనింగ్ సైట్స్ని గుర్తించడం జరిగింది.
అయిల్ మరియు న్యాచురల్ గ్యాస్: కృష్ణా – గోదావరి డెల్టాలలోONGC ఆఫ్శోర్, ఆన్శోర్ ప్రాంతాలలో హైడ్రోకార్బన్ అనామలీస్ ఉన్నట్టు నిర్ధారించిన తరువాత మొట్టమొదటి ఆఫ్శోర్ ఎక్స్ప్లారేటరీ వెల్ని మచిలీపట్నంకు 60 KM ఈశాన్యంలో మరియు 25 KM సముద్రతీరంకు దూరంగా చేసింది. ONGCకి మరి అక్కడే ఆయిల్ తగిలింది. జూన్, 1980లో. ఆ తర్వాత ONGC వారి పరిశోధనలో 70 స్టక్చర్లను గుర్తించారు. ప్రస్తుతం వారు ఆయిల్-గ్యాస్ని కైకలూరు, నర్సాపూర్, రాజోల్, అమలాపురం, భీమనపల్లి, ఎల్.బి.చెర్ల, యెనుసువాని, తాటిపాక ప్రాంతాలలో ఎక్స్ప్లోర్ చేస్తున్నారు. ఈ ప్రాంతాలన్ని ఉమ్మడి కృష్ణా – గోదావరి జిల్లాలో ప్రత్యేకంగా డెల్టా ప్రాంతంలో 6.3 మెట్రిక్ టన్నుల ఆయిల్-గ్యాస్ ఉన్నట్టు ఎస్టిమేట్ చేయబడినది.
క్రిటికల్ మినరల్స్: ఈ జిల్లాలోని కోస్తా ప్రాంతంలో బీచ్ సాండ్స్లో టైటానియం మినరల్స్, ఇల్మనైట్, రూటైల్ ప్లేసర్ డిపాజిట్ రూపంలో దొరుకుతుంది. టైడల ప్లాట్ క్లేలో టైటానియం ఆక్సైడ్ (Tio2) 3.1 శాతంగా నిర్ధారించబడినది. దీనితో పాటు వనాడియం, గాలియం, స్ట్రాన్సియం, లీతియం కూడా దొరికే అవకాశాలు పుష్కలంగా వున్నవి. ఇలాంటి కోస్తా ప్రాంతంలో సౌదీ అరేబియా ఆయిల్ ఫీల్డ్స్లో లీతియం డిపాజిట్ని కనుగొన్నారు. కావున మన కృష్ణా-గోదావరి అయిల్ ఫీల్డ్స్లో కూడా దొరికే అవకాశం ఉన్నది.
కమతం మహేందర్ రెడ్డి,
ఎ : 90320 12955