ఫోరం ఫర్‍ ఎ బెటర్‍ హైదరాబాద్‍ తన 22వ వార్షిక సమావేశాన్ని హైబ్రిడ్‍ మోడ్‍ లో 2022 జూన్‍ 5న ఆక్స్ ఫర్డ్ గ్రామర్‍ స్కూల్‍, స్త్రీట్‍ నంబర్‍ 13, హిమాయత్‍ నగర్‍,హైదరాబాద్‍ ఆవరణలో ఉదయం 11 గంటలకు నిర్వహించారు. ఫోరం ఫర్‍ ఎ బెటర్‍ హైదరాబాద్‍ చైర్మన్‍ Er. వేదకుమార్‍ మణికొండ ఈ కార్యక్రమానికి అధ్యక్షత వహించారు.
వేదికపై ఆహ్వానితులు దీపాన్ని వెలిగించిన తర్వాత ప్రధాన కార్యదర్శి శ్రీమతి శోభాసింగ్‍ స్వాగతోపన్యాసం చేశారు, ఆ తర్వాత ఆక్స్ ఫర్డ్ గ్రామర్‍ స్కూల్‍ విద్యార్థులు స్వాగత గీతాన్ని ఆలపించి, నృత్య ప్రదర్శన చేశారు.
శ్రీ. సురేంద్ర కుమార్‍ పచౌరి, ఐ.ఎ.ఎస్‍., భారత ప్రభుత్వ మాజీ కార్యదర్శి మరియు ఆంధప్రదేశ్‍ ప్రభుత్వ సాంస్కృతిక మరియు పురావస్తు శాఖ మాజీ కార్యదర్శి, వారసత్వం, పర్యావరణం, నీటి వనరులు, అడవులు మరియు చెట్ల సంరక్షణ తదితర అంశాలపై ప్రముఖుల నుండి వ్యాసాలతో కూడిన 2021-22, సంవత్సర వార్షిక ప్రచురణ ను విడుదల చేశారు.
గౌరవ అతిథులుగా శ్రీ. నవీన్‍ పిప్లాని, ప్రెసిడెంట్‍, COMOS, India, న్యూ ఢిల్లీ, డా.వి.బి.జె.రావు చెలికాని, అధ్యక్షుడు, యు-ఫెర్వాస్‍, శ్రీ. గౌర్‍ మోహన్‍ కపూర్‍, పాలక మండలి మెంబర్‍, INTACH, న్యూ ఢిల్లీ & వెస్ట్ బెంగాల్‍ స్టేట్‍ కన్వీనర్‍, INTACH, శ్రీమతి ఫరీదా తంపాల్‍, స్టేట్‍ డైరెక్టర్‍, డబ్ల్యుడబ్ల్యుఎఫ్‍, ఇండియా, హైదరాబాద్‍ ఆఫీస్‍, శ్రీ ఉదయ్‍ శంకర్‍ పెయ్యేటి, వైస్‍ ప్రెసిడెంట్‍, హెడ్‍ సేల్స్ & సి.ఎస్‍.ఆర్‍ Pamten Software solutions. పాల్గొన్నారు.
ఈ సందర్భంగా Er. వేదకుమార్‍ మణికొండ మాట్లాడుతూ. రాష్ట్రం ఆవిర్భవించి నప్పటి నుంచి పర్యావరణ వనరుల రక్షణ, నివారణ మరియు సుస్థిరతలో ఎఫ్‍ బిహెచ్‍(FBH) చేపట్టిన కార్యక్రమాల గురించి సమావేశంలో వివరించారు. ప్రభుత్వం మరియు ఇతర ఏజెన్సీల యొక్క చెట్ల సంరక్షణ మరియు చెట్లు నరికివేయకుండ నిరోధించడానికి తీసుకున్న చట్టపరమైన చర్యలను కూడా ఆయన ప్రస్తావించారు. మనకున్న ఒకే ఒక్క భూమిని సంరక్షించాల్సిన బాధ్యత పౌరులకు ఉందని ఆయన అన్నారు. మన వనరులు అనేకం అయిపోతున్నాయి మరియు మరింత విషపూరిత వ్యర్థాలు ఉత్పత్తి అవుతున్నాయి కాబట్టి పర్యావరణాన్ని పరిరక్షించడానికి మరింత చురుకైన పద్ధతులను అవలంబించాలని పౌరులను కోరారు. గ్రీన్‍ బిల్డింగ్‍ సూత్రాలను ఎక్కువ సంఖ్యలో స్వీకరించాలి. వర్షపు నీటి సంరక్షణ కోసం తీవ్రమైన చర్యలు తీసుకోవాలి. మనం వ్యర్థాల ఉత్పత్తిని తగ్గించాలి మరియు తగ్గించడం, రీసైక్లింగ్‍ మరియు తిరిగి ఉపయోగించడం చేయాలి అన్నారు. మనకున్న ఈ ఒక్క మరియు ఏకైక భూమిని సంరక్షించడం కొరకు కంటే తిరిగి ఉపయోగించే అలవాటును మనం అవలంబించాలి. శ్రీ వేద్‍ కుమార్‍ మట్లాడుతూ ఆయన మరియు శ్రీ చెలికాని గారు చెట్లను నరికివేయకుండా కాపాడటానికి చేసిన ప్రయత్నాలు, 10000 చెట్లను ఎలా నరికివేయకుండ ఎలా స్థానమార్పిడి చేశారో వివరించారు. చెట్ల భద్రతను నిర్ధారించడానికి తనిఖీ యంత్రాంగాలు FBH ద్వారా పనిచేస్తున్నాయని ఆయన అన్నారు.
ఈ కార్యక్రమానికి విచ్చేసిన శ్రీ.సురేంద్ర కుమార్‍ పచౌరి, ఐ.ఎ.ఎస్‍., ఎఫ్‍.బి.హెచ్‍.లో శ్రీ వేద్‍ కుమార్‍ చేసిన కృషిని, న్యూఢిల్లీలోని ఇంటాక్‍ పాలకమండలి సభ్యునిగా ఎన్నికోబడినందుకు ఎంతగానో అభినందించారు. పర్యావరణ సుస్థిర అభివృద్ధి మరియు పునరుద్ధరణ అనే ఆలోచనను నొక్కిచెప్పారు. కాలుష్యం, వాయు కాలుష్యం మరియు పెట్రోలు వంటి శిలాజ ఇంధనాల వినియోగం యొక్క ప్రధాన కారణాలను అర్థం చేసుకోవడం చాలా ముఖ్యమని, ప్రత్యామ్నాయంగా ఎలక్ట్రిక్‍ కారు, సౌర శక్తి వంటి ప్రత్యామ్నాయ శక్తి సాధనాలను ఉపయోగించడం అవసరమని ఆయన అన్నారు. కలుషితమైన గాలితో ఢిల్లీ బాధపడుతోందని, దీనివల్ల అనారోగ్య పరిస్థితులు ఎదురవుతున్నాయని ఆయన పేర్కొన్నారు. అడవులు క్షీణించాయని, అందువల్ల ప్రకృతితో సామరస్యం కలిగిన అటవీ సంస్కృతి తగ్గిపోతోందని ఆయన అన్నారు. శ్రీ పచౌరీ రూపొందించిన ‘‘మన భూమి’’ వీడియో సమావేశంలో ప్రదర్శించబడింది.
డా.వి.బి.జె.రావు చెలికాని మాట్లాడుతూ.. సహజ వనరుల అధిక వినియోగం యొక్క ప్రతికూల ప్రభావాలపై మాట్లాడారు. ఈ సంధర్బంగా ప్రభుత్వం చూపుతున్న చొరవలను కొనియాడారు. సహజ వనరుల అధిక వినియోగం యొక్క ప్రమాదాలను పరిష్కరించడానికి ఎఫ్‍బిహెచ్‍ కూడా కృషి చేస్తుందని తెలిపారు.
జూమ్‍ ప్లాట్‍ ఫామ్‍ పై ప్రసంగించిన శ్రీ నవీన్‍ పిప్లాని వివిధ వారసత్వ కట్టడాలపై మాట్లాడుతూ, స్మారక చిహ్నం రక్షణలో రాజకీయ సంస్థల అనుమతి లేకుండా పనిచేసే ఏకైక దేశం భారతదేశం మాత్రమేనని అన్నారు. టాంజబుల్‍ హెరిటేజ్‍ వారసత్వం నుండి ఇంటాంజబుల్‍ హెరిటేజ్‍ ను వేరుగా చూడటం కష్టమని ఆయన అన్నారు. వారసత్వ ఆస్తుల పునరుద్ధరణలో ఎఫ్‍బిహెచ్‍ క్రియాశీలకంగా ఉండాలని ఆయన నొక్కి చెప్పారు. ఈ క్రమంలో ఎఫ్‍ బిహెచ్‍ చేసిన కృషిని అభినందించారు.
ఈ సందర్భంగా శ్రీ గౌర్‍ మోహన్‍ కపూర్‍ జూమ్‍ వేదిక పై భూమిని రక్షించడం మరియు దాని రక్షణపై చేపట్టవలసిన కార్యక్రమాలను గురించి తెలియచేసారు. భూమి ఆరోగ్యంగా ఉన్న అన్ని వన్యప్రాణులు, వృక్షజాలం మరియు జంతుజాలం యొక్క భవిష్యత్తును ఆయన ఆకాంక్షించారు. గ్లోబల్‍ వార్మింగ్‍ ప్రమాదాలు మరియు సంభవించే వాతావరణ మార్పుల గురించి ఆందోళన వ్యక్తపరిచారు.
శ్రీమతి ఫరీదా తంపల్‍ మాట్లాడుతూ మన సహజ వనరులలో దాదాపు 60% వినియోగించబడ్డాయని చెప్పారు. కాబట్టి తీవ్రమైన చర్యను అనుసరించాల్సిన అవసరం ఉంది అని, పర్యావరణాన్ని కాపాడటానికి మనమందరం తీసుకోవాల్సిన బాధ్యత గురించి ప్రస్తావించారు.
కార్యక్రమానికి విచ్చేసిన శ్రీ ఉదయ్‍ శంకర్‍ పెయ్యేటి,ఇప్పుడు ఐటి మంత్రిత్వ శాఖతో కలిసి పనిచేస్తున్న ఆయన తన విద్యార్థి జీవితం గురించి మాట్లాడారు. అన్ని పెద్ద సంస్థలు పర్యావరణ పరిరక్షణ మరియు భూమిని కాపాడటంలో సహకరించాలని ఆయన ఉద్ఘాటించారు. వాటి భద్రతను సాధించడం కొరకు టెక్నాలజీని ఏవిధంగా అత్యుత్తమంగా ఉపయోగించవచ్చో తెలిపారు.
ఈ కార్యక్రమానికి ఎఫ్‍బిహెచ్‍ జనరల్‍ సెక్రటరీ శ్రీమతి శోభాసింగ్‍ స్వాగతం పలుకుతూ అతిథులను సభకు పరిచయం చేశారు. ఫోరం వైస్‍ చైర్మన్‍ శ్రీ.వీ.హెచ్‍. రావు, హైదరాబాద్‍ యొక్క మెరుగైన వాతావరణం కొరకు తన ఆకాంక్షలను వ్యక్తం చేశారు. సభలో కరివేపాకు మొక్కల్ని ఆహ్వానితులకు అందచేసారు.
భూమిని రక్షిస్తానని అందరూ చేసిన ప్రతిజ్ఞతో కార్యక్రమం ముగిసింది.
ఈ కార్యక్రమంలో ఫోరం సభ్యులు దబేరా, నరహరి, కట్టా ప్రభాకర్‍, ఆదర్శ్, అఫ్‍జుల్‍, మారియా మరియు స్వచ్చంద సంస్థలు, సామాజిక మరియు పర్యావరణాభివృద్ధికి సేవలందిస్తున్న పలుసంస్థల సభ్యులు స్కూల్‍ మరియు కాలేజ్‍ విద్యార్థులు మరియు అధ్యాపకులు ఉత్సాహంగా పాల్గొన్నారు.
- దక్కన్‍న్యూస్‍
ఎ : 9030 6262 88