చిరు ధాన్యాలు చాలా రుచిగా ఉండటమే కాకుండా ఆరోగ్యానికి కూడా మంచిది. మనపెద్దలు వీటిని రోజు అన్నం లాగే తినే వారు. రాగులు, సజ్జలు, కొర్రలు, అరికలు, వరిగెలు, సామలు ఇలా ఇంకా చాలానే చిరు ధాన్యాలు ఉన్నాయి.
చిరు ధాన్యాలు చాలా రుచిగా ఉండటమే కాకుండా ఆరోగ్యానికి కూడా మంచిది. మనపెద్దలు వీటిని రోజు అన్నం లాగే తినే వారు. రాగులు, సజ్జలు, కొర్రలు, అరికలు, వరిగెలు, సామలు ఇలా ఇంకా చాలానే చిరు ధాన్యాలు ఉన్నాయి. అయితే వీటితో చాలా మంది రొట్టెలతో పాటు, అన్నం తరహాలో కూడా వండుకొని తింటారు. చిరుధాన్యాలతో చేసే దోసె కూడా చాలా పాపులర్‍. చిరుధాన్యాల్లో ఉండే అనేక రకాల పోషకాలు శరీరానికి చాలా మేలు చేస్తాయి, ఇది మన ఆరోగ్యాన్ని కాపాడుకోవడానికి చాలా మేలు చేస్తుంది.
చిరుధాన్యాలను మనం రెగ్యులర్‍గా ఉపయోగిస్తే, దాని నుండి మనం ఆరోగ్య ప్రయోజనాలను పొందవచ్చు. అలాంటి చిరుధాన్యాల్లో ఎలాంటి పోషకాలు ఉంటాయో తెలుసుకుందాం. మరే ధాన్యంలోనూ లేని కాల్షియం రాగుల్లో ఉండటం వల్ల మలబద్ధకం సమస్య తగ్గుతుంది. పిల్లలకు ఆహారంలో రాగి ముద్ద పెడితే ఎముకలు ద•ఢంగా మారడంతో పాటు దంతాలు కూడా ద•ఢంగా ఉంటాయి.
అధిక ఫైబర్‍ కంటెంట్‍:
చిరుధాన్యాలైన కొర్రలు, సజ్జల్లో ఉండే ఫైబర్‍ జీర్ణ సమస్యలను దూరం చేస్తుంది. బియ్యం, ఇతర ధాన్యాలతో పోలిస్తే, ఇందులో డైటరీ ఫైబర్‍ కంటెంట్‍ ఎక్కువగా ఉంటుంది. దీంతో జీర్ణ సమస్యలు కూడా తొలగి పోతాయి. కొర్రలను ఉడికించి అన్నంలా తింటే కడుపు నిండుతుంది. తరుచూ తినాలనే కోరిక తగ్గుతుంది. రాగుల్లో ఉండే పాలీఫెనాల్‍ మధుమేహ వ్యాధిగ్రస్తులకు మేలు చేస్తుంది.
అమైనో ఆమ్లం: చిరు ధాన్యాల్లో ఉండే లెసిథిన్‍, మెథియోనిన్‍ అనే అమినో యాసిడ్‍ శరీరంలోని కొలెస్ట్రాల్‍ స్థాయిని తగ్గించి, కాలేయం కొవ్వును కరిగించేలా చేస్తుంది. ట్రిప్టోఫాన్‍ ఆకలిని అణిచివేసే మరొక అమైనో ఆమ్లం కూడా చిరుధాన్యాల్లో పుష్కలంగా ఉంటుంది.
ఐరన్‍, విటమిన్‍ సి: చిరు ధాన్యాల్లో ఐరన్‍ కంటెంట్‍ రక్తహీనతను నివారించి హిమోగ్లోబిన్‍ స్థాయిలను మెరుగు పరుస్తుంది. ఇది సహజ ఇనుము, విటమిన్‍ సి కలిగి ఉంటుంది, తద్వారా ఇనుము త్వరగా గ్రహిస్తుంది.
గ్లూటెన్‍ ఫ్రీ: గ్లూటెన్‍ సెన్సిటివిటీ ఉన్నవారికి చిరుధాన్యాలు ఒక వరం. ఇతర ధాన్యాలలో గ్లూటెన్‍ ఉంటుంది. చిరుధాన్యాల్లో ఇది దాదాపు శూన్యం.
బరువు తగ్గడానికి ఉపయోగపడుతుంది: చిరుధాన్యాలతో కడుపు నిండుతోంది. ఇది ఇతర ధాన్యాల కంటే కొవ్వులో చాలా తక్కువగా ఉంటుంది. మంచి కొవ్వులను కలిగి ఉంటుంది. బరువు తగ్గాలనుకునే వారు బియ్యం, గోధుమలకు బదులుగా రాగులను ఉపయోగించ వచ్చు. అమినో యాసిడ్‍ బరువు తగ్గడంలో సహాయపడుతుంది.
సహజమైన యాంటిడిప్రెసెంట్‍: చిరు ధాన్యాలను క్రమం తప్పకుండా తీసుకోవడం వల్ల నిద్రలేమి, ఆందోళన, డిప్రెషన్‍ నుండి ఉపశమనం పొందవచ్చు. ఇందులో ఉండే అమినో యాసిడ్‍ నేచురల్‍ యాంటీ డిప్రెసెంట్‍గా పనిచేస్తుంది. రెగ్యులర్‍ మైగ్రేన్‍లతో బాధపడే వారికి ఇది మంచిది.
పిల్లలకు పోషకాహారం అందించడం:
పెరిగే పిల్లలకు మిల్లెట్‍ ఇస్తే శరీరానికి కావాల్సిన అన్ని రకాల పోషకాలు అందుతాయి. మిల్లెట్‍ పిల్లల బరువు పెరగడానికి పెరుగుదలకు సహాయ పడుతుంది. రాగులను పిల్లలకు ఇవ్వడం వల్ల చాలా ప్రయోజనాలు ఉన్నాయి.
నాడీ వ్యవస్థను బలోపేతం చేయడం: చిరు ధాన్యాల్లో ట్రిప్టోఫాన్‍ అనే అమినో యాసిడ్‍ అధికంగా ఉంటుంది. ఇది నాడీ వ్యవస్థను మెరుగుపరుస్తుంది, జ్ఞాపకశక్తిని మెరుగుపరుస్తుంది, మనస్సును ప్రశాంతపరుస్తుంది. మిల్లెట్‍ ఆందోళన, నిద్రలేమిని తగ్గిస్తుంది, ఆరోగ్యకరమైన నిద్రను ప్రోత్సహిస్తుంది. రాగిలోని ట్రిప్టోఫాన్‍ కంటెంట్‍ న్యూరోట్రాన్స్మిటర్‍ సెరోటోనిన్‍ స్థాయిలను సమతుల్యం చేస్తుంది.
- బసవరాజ్‍