పారిశ్రామిక నాగరికత – పర్యావరణ దృష్టి
ప్రకృతికీ, మానవులకూ మధ్య సహజంగా జరిగే జీవరసాయన క్రియలో ఒక పెద్ద అగాధం ఏర్పడిందని, అది నానాటికీ మరింత విస్తరిస్తూన్నదని ప్రకృతి శాస్త్రవేత్తలో, పర్యావరణవేత్తలో లేక పర్యావరణ సామాజిక శాస్త్రవేత్తలో చెప్పా రనుకోండి. మనమేమీ పెద్దగా పట్టించుకోం. ప్రతిస్పందించం. మన నిత్యావసరాల గొడవ లేనంతవరకూ మనకేమీ ఇటువంటి విషయాల పట్ల పెద్ద ఆసక్తి ఏమీ కలగదు. అదే ఒక్కరోజు రెండు గంటలపాటు కరెంటు లేకపోయినా, రెండు బిందెల మంచినీళ్లు అందకపోయినా ప్రపంచం తల్లకిందులై పోయిందని గగ్గోలు పెడతాం. …