చిన్న రమణయ్య
గామె బస్సుకోసం సూర్యపేట బస్టాండ్ల దీనంగ ఎదురు జూసుకుంట గూసున్నది. అసలే గామె మొకమెప్పుడూ పాలిపోయినట్టు ఉంటది. అసుంటిది ఇయ్యాల మరింకింత పాలిపోయి వున్నది. గామె సదువుకున్నదేంగాదుగద, ఏ బస్సెక్కడి పోతదో దెల్వది-అడిగి దెలుసుకుంటెదప్ప.గామె పేరు సారమ్మ. పుట్టి పెర్గిందేమొ మహదండి -పేదింట్ల! గామె అసలు కులమేందో గామెకే దెల్వది. గామె భర్తకు సుతాదెల్వది. ఇగామె తలిదండ్రులు రాళ్ళుగొట్టుకుంట, రాళ్ళళ్ళ రాళ్ళై, రాళ్ళబతుకులీడ్సుకుంట, ఎండలకెండి, వానల్ల నాని, మొండి బతుకలల్లనే మునిగిదేలుకుంట, అప్పులాకళ్ళకు గిల-గిల గొట్టుకుంటనే వొచ్చినాళ్ళయెపాడై! …